Kairos şirkəti vəd edir ki, fərdi şəxslərin kompüterlərindəki yaddaş sahəsini böyük şirkətlərə satacaq, kompüter sahibləri isə bunun müqabilində icarə gəliri əldə edəcəklər.
Lakin bunun üçün hər il lisenziya haqqı ödənilməlidir və lisenziyalar da müxtəlif tutumlar üçün təklif olunur. Əlavə üstünlük kimi, məsələn, telefon danışıqlarını dinlənilmədən aparmağa imkan verən əlavə proqram təminatının da olduğu deyilir . . . Amma bu əlavə məhsulları heç kim tanımır, üstəlik, heç kim həmin proqramları bizə göstərə bilmədi.
Bu sistemi tövsiyə edən şəxsə məsələni bir daha yaxşıca düşünüb-daşınmasını xahiş etdiyim məktubdan sonra proqram təminatını yoxlamaq imkanı qazandıq və dəhşət doğuran yeni faktlar üzə çıxardıq.
Google-da qısa bir axtarış belə göstərir ki, müxtəlif saytlar bu çoxsəviyyəli marketinq sisteminə olduqca şübhə ilə yanaşır. Məsələn:
| Kairos texnologiyası: dələduzluq, yoxsa etibarlı sistem? |
Kairos Planet lisenziyaları və vədləri
Standart
Lisenziya
$125.00
- Sərmayənin 147 günə geri qayıtması
- 15 GB yaddaş sahəsinin icarəyə verilməsi
- Gündə 0,85 USD, yaxud ayda 26 USD
- Kompüter 10 saat işləməlidir
Silver
Lisenziya
$597.00
- 146 gündə investisiyanın geri qaytarılması
- 70 GB yaddaş sahəsinin icarəyə verilməsi
- 4,09 USD/gün və ya 124 USD/ay
- Kompüter 10 saat işləməlidir
Gold
Lisenziya
$1577.00
- 146 gündə investisiyanın geri qaytarılması
- 180 GB yaddaş sahəsinin icarəyə verilməsi
- 10,80 USD/gün və ya 324 USD/ay
- Kompüter 10 saat işləməlidir
Platinum
Lisenziya
$2777.00
- 146 gündə investisiyanın geri qaytarılması
- 300 GB yaddaş sahəsinin icarəyə verilməsi
- 19,02 USD/gün və ya 578 USD/ay
- Kompüter 10 saat işləməlidir
Proqram təminatı
Dekompilyasiya edilib və təhlil olunub
Backdoor
Proqram təminatında server əmrlərini yerli kompüterdə icra etmək üçün proqram kodu var. Bununla, məsələn, ekran görüntüləri çəkilib geri göndərilə bilər. Həmçinin hər hansı proqram işə salınıb onun nəticəsi Kairos-a ötürülə və ya istifadəçinin nəzarət edə bilmədiyi bir çox başqa zərərli əməliyyat həyata keçirilə bilər.
Rent modulu
Bu modulun versiyası yoxlanılır və lazım gəldikdə Kairos-un saytından yeni versiya endirilir. Növbəti şəkildə göstərilən proqram kodu vasitəsilə əlavə modullar da endirilə bilər. Bu yeni modullara hansı funksiyaların əlavə olunacağını yəqin ki, yalnız proqramçı bilir.
Modul yükləmə meneceri
Bu modul artıq yüklənmiş və ya modul meneceri vasitəsilə təqdim olunan modulların güncəl olub-olmadığını yoxlayır və istifadəçinin müdaxiləsi olmadan, ona bildiriş göndərmədən yeniləmələri avtomatik yükləyir.
Rent modulunun funksional imkanları
Rent modulu diskdə yer ayırmaq üçün nəzərdə tutulub. Bunun üçün proqrama aşağıdakı funksiya daxil edilib:
Faylın yaradılması
Məlumatların gizlədilməsi
Hazırda bu proqramın imkanları bununla məhdudlaşır. Proqram bu fayla nə məlumat, nə də ehtiyat nüsxənin hissələrini yaza bilir. Bu funksiya üçün heç proqram interfeysi də mövcud deyil.